SEE eratsesïnti incha mutauani 319 mil jorhenkuarhirichani

 Utasï uakari inchamutauani jurhiatikuarhu 15 i kutsiri.

Morelia, Michoacán.- I jurhiatikuecha inchamukukueri Secretaría de Educación en el Estado (SEE), eratsesïnti enki inchamukuakasï 319 mil sapicha.

Juramuti jorhenkuarhikueri, Gabriela Molina Aguilar, p'imarhiasti anchikuarhirichani enki sesi anchikuarhiakasï jimpoka uetarhejka enki sesi nitamakua jauaka, ka sapicha sesi p'ikuarheraka jorhemperakuarhu jarani.

Uetarhenchasïntisi CURP, acta de nacimiento ka cartilla de vacunación, ka sïranta jimanki jukarhika enki k'amarhutakasia jorhenkuarhikua ma jorhemperakuarhu.

Ixu https://educacion.michoacan.gob.mx/inscripciones-febrero-en-2023/ jukanarhistisï tatsekupakuechani ka sïrantecha enki urauakasï tachani juramuticha jorhemperakuecheri ka enki uininarhitauakasia axauatisï Departamento de Programación Educativa, Coordinación General de Planeación anapurhu.

Uatisï axauanteru ima jurhiatikuarhuru 15 kutsiri marzo, jatsïatisï ma kutsitirhu, enki k'amarhuakasia inchamukukuecha.