K'amaratia horario invernal imankuni inchantampkasi jorhemperakuecha: SEE

I lunes menteru inchanantatia enki namintuekia.

Morelia, Michoacán.- I viernes k'amaratia horario de invierno imankuni inchanantampka jorhemperakuecharhu sapicheri, isï eiampesti Secretaría de Educación del Estado (SEE); eski i lunes menteru inchanantaka enki namintuekia.

"K'amaraxamptia enki xani tsïrakuarhimpka jimposï inchanantatia enki namintuekia; najki isekia, p'imarhisïnkasi enki menki jauenakasï anchitani tstekupakuechani imankuni erojparhutakasï p'amenchakuechani, imankuni uakasï exeni p'amenchatini ma", uantasti juramuti Jorhenkuarhikueri, Gabriela Molina Aguilar.

Ka itku, p'imarhitpesïnti eski menki jauenakasï xukuntantauani sesi sapichani imankuni nosï xani tsïraka, ka enki untakasï no sesi p'ikuarherani no pauani jorhemperakuecharhu.

Uetarhesïntistu sontku japojkuntanarani, urani gel antibacterial ka menki jauenani sesi t'ireni ampe enki vitaminas jukaka.