SEE uetenantauasïnti jorhenkuarhikuechani eretecharhu jimanki xani tsantekuarhimpka

 

Morelia, Michoacán.- Secretaría de Educación del Estado (SEE) menki jauenasïnti exenani jorhemperakuechani enki eretecharhu jaka jimanki xani tsantekuarhijka, ka jimanki menteru uetenakuarhintatakasia jorhenkuarhikuecha isï enki Churumuco, Tiquicheo, Huetamo, San Lucas ka Tuzantla.

Eratsekuampu enki uejka menki jauenani exeani jorhemperakuechani, juramuti Gabriela Molina Aguilar, juramukusti kunkuarhikuani ma enki orhejtsïkujka juramuti Unidades Regionales anapu, Martín López Ortiz, p'orhempeani jorhemperakuechani San Lucas ka Huetamo anapuechani, jimanki nitamajka 9 mil jorhenkuarhiricha sapicha.

Albergue Cipriana Hernández de Chávez, San Lucas anapu, jarhoatanasti imani centro de carga arhikatani, ka jorhemperakuarhu Primaria Purechucho, jarhoatanasti sesi jajkuntani imani abastecimiento de energía arhikatani ka eratsenasti enki menki jauenakasï ampempu enki uetarhenakasi.

Ka itku jarhoatanasti Escuela Primaria Lázaro Cárdenas Huetamo anapu, jimanki jatsïkumenakasi electrica ampe ka exenasti imeri aire acondicionado arhikatani, imanki jarhoatanakastu.

Ka itku, uantontskuarhinasti enki i jurhiatikuecharhu axanaka lentes arhikatecha eratsekuankuni Ver Bien Para Aprender Mejor, ka takukukatechani eratsekuampu Erechikuarhu Arhintasïnkasi, jima eretecharhu Tierra Caliente anapuecharhu.